DILI, 14 dezembru 2020 (TATOLI)-Durante novembru, tinan-ne’e, Ministériu Públiku (MP) rejista prosesu krime foun ne’ebé tama (entrada) hamutuk 513.
Notísia Relevante :Arguidu oho Ernesto tama prizaun preventiva
“Atividade Ministériu Públiku iha novembru intermus prosesuál ita rejista iha kazu 513 iha nivel nasionál,” Prokuradór Jerál Repúblika, José Ximenes, informa ba jornalista, ohin, iha Palásiu Prezidensiál, Dili.
Nia esplika, kazu sira-ne’e barak liu primeiru mak ofensa integridade, segundu violénsia doméstika, violasaun seksuál kontra labarik feto.
José Ximenes, dehan, durante outubru no novembru ne’e iha prosesu 1000-resin mak tama foun no MP konsege finaliza 589, tanba ne’e prosesu hotu kontinua movimenta.
Tuir dadus hosi janeiru to’o inísiu dezembru, tinan-ne’e, iha prosesu 3002 kontinua pendente.
Jornalista : Nelson de Sousa
Editór : Francisco Simões
