Prokuradór Jerál Repúblika, José Ximenes. Imajen Tatoli /Egas Cristovão

DILI, 14 dezembru 2020 (TATOLI)-Ministériu Públiku (MP) kontinua halo analiza  no investigasaun kle’an ba kazu koneksaun internet ilegál hosi Elite Computer no   Telemor atu bele reforsa faktu sira hodi aprezenta ba Tribunál Distritál Dili (TDD).

Notísia Relevante : Kazu Telemor-Elite Computer, defeza sei halo rekursu kontra TDD

“Ba kazu Eleite  Computer no Telemor,  daudaun ne’e, ita halo analiza hela,” Prokuradór Jerál Repúblika (PGR), José Ximenes, informa hodi responde jornalista hafoin hasoru-malu ho Prezidente Repúblika iha Palásiu Prezidensiál, ohin.

 Iha loron 28 novembru 2020, Tribunál Distritál Dili (TDD) liuhosi desizaun  julgamentu primeiru interrogatóriu  aplika medida koasaun prizaun preventiva  ba arguidu  na’in-rua nu’udar ho inisiál TVB nu’udar   jestór prinsipál operador telekomunikasaun Telemor no  arguidu DP nu’udar jestór prinsipál iha  kompañia Elite Computer .

Polísia Nasionál Timor-Leste liuhosi  Servisu Investigasaun Kriminál  (SIC) detein  arguidu TVB iha ninia servisu fatin CBD-4, Timor Plaza no arguidu DP detein  iha  ninia servisu fatin Colmera, Dili, iha loron 23 novembru 2020.

Deskonfia  arguidu sira halo korrelasaun servisu ba malu hodi fasilita utiliza internet ilegál ne’ebé uza satélite Indonézia nian ho kapasidade 600MBS hodi fasilita ba liña ministériu sira, inklui Komandu Polísia Nasionál Timor-Leste.

Ba kazu ne’e Servisu Investigasaun Kriminál deteta hahú kedas hosi tinan 2012 mai to’o tinan 2018 tanba fó prezuiju ba Estadu Timor-Leste lakon osan barak.

Notísia Relevante : SIC detein jestór prinsipál Telemor ho Elite Computer

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here