Ministru Asuntu Parlamentár Komunikasaun Sosiál, Francisco Jerónimo. Imajen TATOLI/Egas Cristovão

DILI, 14 dezembru 2020 (TATOLI)—Ministru Asuntu Parlamentár no Komunikasaun Sosiál (MAPKOMS), Francisco Jerónimo, konvida komunidade hotu hodi hamutuk iha Natál no tinan foun 2021 dezenvolve Timór di’ak liu, nune’e bele lori prosperidade ba povu tomak.

“Mai ita hotu hamutuk fó liman ba malu atu dezenvolve ita-nia rai ida ne’e liuhosi knaar ne’ebé maka iha, atu nune’e ita hotu sente katak iha 2021 ita bele la’o ba oin ho programa ne’ebé maka iha,” Ministru Francisco hato’o mensajen Natál no tinan foun iha Gabinete MAPKOMS, Palásiu Governu, segunda ne’e.

Governante ne’e husu kolaborasaun entidade hotu iha tinan foun hodi fó susesu ba programa Governu.

“Ita hotu tenke kolabora ba malu  ho serbisu ne’ebé maka iha,  atu oferese ba povu no entidade tomak iha rai ne’e, espera saida maka ita hakarak bele iha susesu,” nia akresenta.

Biban ne’e, Ministru hato’o felisita povu tomak ba loron boot Natál no tinan foun.

“Povu doben Timor-Leste tomak, hodi Ministériu Asuntu Parlamentár no Komunikasaun Sosiál nia naran no funsionáriu hotu,  ha’u ho  Sekretáriu Estadu Komunikasaun Sosiál (SEKOMS) hakarak hato’o ami-nia Boas Festas do Santo Natal no tinan foun 2021,” dehan Ministru Franscisco.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here