Anin-boot, kuarta loro-kraik (02/12), iha parte oeste sobu eskola Tékniku Vokasionál iha Suku Holsa, Postu Administrativu Maliana Vila, Munisípiu Bobonaro. Imajen/foti hosi Facebook

DILI, 14 dezembru 2020 (TATOLI)—Diretór Nasionál Infaestrutura Edukativa, Ministériu Edukasaun Juventude no Desportu (MEJD), Helio Lopes, informa oras ne’e, nia parte prepara hela dezeñu no BOQ (Bill Of Quantity) kona-ba Eskola Sekundária Jerál no Tékniku Vokasonál Malibaca, Postu Administrativu Maliana Munisípiu Bobonaro ne’ebé anin no udan boot sobu foinlalais.

“Ami agora halo hela preparasaun ba dezeñu no BOQ para atu halo kalkulasaun ba kustu re-abilita Eskola TEKVOK Malibaca nian. kuandu buat hotu ami prepara ona, mak dirasaun sei aprezenta relatóriu finál bá Ministru Edukasaun,” nia hateten ba Tatoli, via telefone, segunda ne’e.

Notísia Relevante :Sala 11 iha ESTV Malibaca Bobonaro hetan estragus husi tufaun

Dirasaun ne’e haruka ona relatóriu kona-ba kazu dezastre naturál ne’e ba Ministru Edukasaun Juventude no Desportu (MEJD) Armindo Maia.

Entretantu, anin no udan boot ne’e konsege estaraga sala aprendizajen hamutuk sia (9), hariis fatin ida, sala laboratóriu ida.

Notísia Relevante :Anin sobu eskola tékniku vokasionál Malibaka

Jornalista : Tomé Amado

Editór : Agapito dos Santos

HAKEREK NO HATÁN

Please enter your comment!
Please enter your name here