Estudante EBC Esperansa da Pátria, hamahan an iha ai-horis ne’ebé kuda iha 2016. Imajen/Florencio Miranda Ximenes.

DILI, 14 dezembru 2020 (TATOLI)—Eskola Ensinu Báziku Terseiru Siklu Esperansa da Pátria Becora tuir orariu iha loron 15 to’o 16 sei halo prosesu inskrisaun hodi simu estudante foun, iha tinan letivu 2021.

Diretór Eskola Esperansa da Pátria Becora, João da Silva Pereira, informa eskola sei fó prioridade ba estudante sira husi eskola filiál Camea, Becusse de Baixo, EB Kuluhun no eskola EB Duque de Caixas Bemori.

Tuir planu eskola ne’e sei simu estudante foun hamutuk 600-resin hodi akumula ba sala hamutuk 10 tanba kada sala koloka estudante 66.

“Ita sei simu de’it tanba eskola Esperansa da Pátria ne’e sira nian kedan ne’ebé sei laiha teste ba sira,” nia informa Tatoli, iha ninia servisu fatin, segunda ne’e.

Maibé ba estudante sira ne’ebé la’ós maihosi eskola filiál sira, obrigatóriu tenke tuir teste.

“Bainhira inskrisaun ne’e la atinje to’o númeru ne’ebé mak tama ona iha alvu mak foin loke inskrisaun ba estudante naun filiál sira,” nia hateten.

Jornalista : Tomé Amado   

Editór:Agapito dos Santos

HAKEREK NO HATÁN

Please enter your comment!
Please enter your name here