DILI, 11 dezembru 2020 (TATOLI)—Parlamentu Nasionál (PN) aprova proposta orsamentu ho montante rihun $680 hosi Agência TATOLI,I.P ho rezultadu votasaun a-favór 42, kontra 0 no abstensaun 0.

“Ho nune’e orsamentu orsamentu ba Agência TATOLI,I.P pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál, sesta ne’e.

Papél hosi Agência Noticiosa de Timor-Leste TATOLI,I.P iha objetivu prinsipál kria fonte informasaun ofisiál, liuhosi produsaun notísia ba públiku iha eskala nasionál, rejionál no internasionál, nu’udar mós  kanál informativu Governu nian ne’ebé  fornese informasaun ho kredível no verdadeira ba povu, kumpre direitu konstitusionál. TATOLI ezerse atividade tutela no superintendénsia ba membru Governu responsável komunikasaun sosiál, bazea Dekretu-Lei N.º 21 /2017, 24 maiu.

Medida prinsipál setoriál ba tinan fiskál 2021 mak halo divulgasaun materiál rekollidu, forma gratuita ka mediante remunerasaun livremente konvensionada, iha portál própriu ba utilizasaun órgaun komunikasaun sosiál nasionál, nune’e mós Promove governasaun di’ak no jestaun institusionál iha ajénsia refere.

Hosi medida prinsipál ne’e korresponde ba programa ho kódigu 510 kona-ba governasaun di’ak no jestaun institusionál sei gasta $679,992 (rihun $680), ne’ebé koloka ba bens no servisu rihun $597 no kapitál minór rihun $83.

Jornalista: Evaristo Soares Martins

Editor: Cancio Ximenes

HAKEREK NO HATÁN

Please enter your comment!
Please enter your name here