SERVE,IP. Imajen/Espesiál

DILI, 11 dezembru 2020 (TATOLI)—Orsamentu Jerál Estadu (OJE) 2021 ne’ebé alokadu ba Servisu Rejistu no Verifikasaun Emprezariál, Institutu Públiku (SERVE,I.P) ho montante $2,303,997 hetan aprovasaun husi Parlamentu Nasionál ho votus a-favór 42, kontra no abstensaun 0.

“Orsamentu bá Servisu Rejistu no Verifikasaun Emprezariál, Institutu Públiku passa”, Prezidente Parlamentu Nasionál, Deputadu Aniceto Longuinhos Lopes, anunsia liuhosi plenária Parlamentu Nasionál, sesta (11/12).

Husi $2,303,997 fahe ba kategoria bens (sasán) no servisu $2,049,679, kapitál menór $ 254,318, kategoria tolu (saláriu no vensiementu, kapitál dezenvolvimentu no transferénsia públiku) laiha (0).

Medida prinsipál servisu SERVE nian iha tinan 2021 hamutuk tolu, mak; prosede no rejistu empreza no lisensiamentu atividade ekonómika no asegura asaun ne’ebé kontribui hosi funsionáriu sira hodi presta serbisu no atendimentu ho kualidade ba públiku bazeia ba regra sira ne’ebé mak eziste ona iha área rejistu komersiál.

Fasilita rejistu komersiál, no emisaun dokumentu, no espesaun serbisu SERVE,I.P iha territóriu inklui rejistu online.

Nune’e mós polítika jéneru no ikus liu mak promove boa-Governasaun no jestaun institusionál.

SERVE,I.P mós prevee millaun $2,140 ba rejistu empreza no lisensiamentu atividade ekonómika, no rihun $164 ba boa-Governu no jestaun institusionál.

Jornalista :Antónia Gusmão.

Editór :Agapito dos Santos

HAKEREK NO HATÁN

Please enter your comment!
Please enter your name here