DILI, 11 dezembru 2020 (TATOLI) – Ho montante orsamentu $1,228,000 ne’ebé aloka ba Institutu Apoiu Dezenvolvimentu Emprezariál (IADE) iha 2021 sei foku ba promove no dezenvolve emprezariál hodi kontribui ba kresimentu ekonomia.
Proposta orsamentu ba IADE nian ho montante $1,228,000, ohin, aprova ona iha faze espesialidade iha Parlamentu Nasionál ho votu a-favór 42, kontra 0 no abstensaun 0.
Hosi totál orsamentu IADE nian ba tinan fiskál 2021 ne’e fahe ba kategoria saláriu no vensimentu $578,454, bens (sasán) no servisu $510,486 no kapitál menór $139,060.
Programa medida prinsipál sektorál mak promove inisiativa apoiu dezenvolvimentu emprezariál hodi benefisia ba setór mikro, pekena no média empreza no reforsa kapasidade jestaun no planeamentu negósiu (elaborasaun planu negósiu) no literasia finansia. Nune’e mós kontribui atu garantia sustentabilidade no rendimentu negósiu hodi kontribui atubele kreximentu ekonomia, promove boa governasaun no jestaun institusionál, fortalesimentu kapasidade rekursu umanu.
Jornalista : Florencio Miranda Ximenes
Editór : Francisco Simões
