Prezidente CNE, Alcino de Araújo Barris . Imajen TATOLI/Egas Cristovão

DILI, 10 dezembru 2020 (TATOLI)–Prezidente Komisaun Nasionál Eleisaun (CNC-sigla portugés), Alcino de Araújo Barris, hateten Sekretariadu Tékniku Administrasaun Eleitorál (STAE) presiza mantein ninia dedikasaun tomak ne’ebé durante ne’e hala’o hodi atende públiku.

Notisia Relevante: STAE realiza retiru anuál ba funsionáriu sira

“Durante tinan ida-ne’e nia laran, sira atu revela fali dedikasaun tomak ne’ebé sira hala’o hodi atende públiku. Dedikasaun nia vantajén no desvantajén no mós dezafiu ne’ebé mak STAE hasoru, tenke kontinua mantein no hadi’a halo di’ak liután ba oin,” Alcino de Araújo Barris hateten ba jornalista sira, bainhira partisipa retiru anuál STAE nian ho tema “Hakbiit Esperitu Servisu Ekipa hodi Hasa’e Kualidade Atendementu Públiku” iha salaun Suai Room Timor-Plaza, Dili, kinta ne’e.

Iha retiru ne’e, Prezidente CNE afirma katak CNE nia prezensa ne’e atu halo relatóriu hamutuk no aprezenta planu estratéjiku hodi dezenvolve STAE ba oin, no fo motivasaun, korajén hodi kontinua hala’o servisu ho di’ak no susesu.

“Ami iha objektivu ida de’it. Maske iha órgaun rua kona-ba eleisaun, ida tékniku ba trata kartaun eleitorál no halo resensiamentu, husi parte ba STAE mak iha kompeténsia tomak atu bele prepara no prodús materiál sira-ne’e. Ida seluk, CNE tau-matan no promove ema hotu-hotu bele sai na’in tuir prosesu ida-ne’e,” nia dehan.

Retiru ne’e importante tanba atu bele refleta di’ak liután hodi antisipa órgaun sira-ne’e halo preparasaun di’ak ba 2020 nian, nune’e tama iha 2021 preparasaun tomak tama ba tinan 2022 para tama ba eleisaun prezidensiál. Labele haree ba eleisaun ne’e hanesan matan sorin de’it, tanba eleisaun ne’e mundu termina ba nasaun ida.

Nia dehan, bainhira rejultadu eleisaun ne’e ho di’ak tenke organiza di’ak, tanba ne’e mak presiza órgaun rua hosi STAE ho CNE tenke servisu ho profisionál, imparsiál no iha kapasidade hodi bele halo atendimentu bainhira to’o eleisaun.

Atu konklui rezultadu saida de’it mak iha, nia akresenta katak se de’it mak manan nia mak kaer ukun, ida ne’ebe mak lakon karik ba partidu politíku sira, nia sa’e ba pozisaun atu bele halo akompañamentu no kontrolu ne’ebé di’ak liu ba governasaun ne’ebé kaer ukun ho pozisaun ho kualidade no di’ak, atu halo mudansa ba dezenvolvimentu rai-laran.

Prezidente CNE hatutan, CNE eziste no CNE ejize kooperasaun husi STAE hodi haree tanba ba iha determinasaun loos ka laloos, ne’e la’ós STAE mak ba dehan maibé CNE nia servisu.

Nia hateten, ho prosesu sira-ne’e hotu loos mak ida-ne’e, loos ne’e mak faktus no loos ne’e baze legál. Tanba, tuir nia, CNE nia tau-matan ne’e hatuur kedas iha konstituisaun RDTL no lei sira envigor, tanba ne’e mak CNE ho STAE tenke intende didi’ak ho proses tomak.

Tanba STAE hanesan tékniku hodi meneja no jere servisu sira teknikamente ho prosesu sira hotu, atu iha konflitu ruma la’ós ba parte STAE mak atu dehan maibe CNE mak tenke garante katak loos. Se CNE mak dehan la loos, tenke armoniza hosi órgaun rua hosi CNE ho STAE.

“Futuru orgaun rua tenke servisu ho di’ak no profisionál ba situasaun saida de’it ne’ebé ko’alia kona-ba eleisaun nian,” nia dehan

Servisu durante CNE ho STAE hala’o ho diak, STAE mak halo jestaun no CNE mak halo observasaun tenke eziste ho di’ak. Maske iha individu ida-rua mak iha organizasaun nia vontade, kualidade órgaun rua la’o ho di’ak no rona malu.

Alcino relata tan, ezijénsia forsa ba lei la’o tuir servisu no susesu atu garante ba públiku, la’ós problema CNE mak halo di’ak liu ka STAE mak halo di’ak liu. Maibé, hosi órgaun rua ne’e tenke hamutuk no forte halo atendimentu ba públiku.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here