Fromatura PNTL iha aniversariu PNTL ba da-XX, 27 marsu 2020. Imajen Tatoli/Eugénio Pereira

DILI, 10 dezembru 2020 (TATOLI)—Proposta orsamentu tinan fiskál 2021 hosi Polísia Nasionál Timor-Leste (PNTL) ho montante $36,099,695.00  aprovadu iha espesialidade.

“Ho nune’e orsamentu Polísia Nasionál Timor-Leste pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál, kinta ne’e.

Polísia Nasionál Timor-Leste (PNTL) nu’udar forsa segurança ho misaun defende legalidade democrátika, garante seguransa ba ema hotu no bens no salvaguarda direitu sidadaun sira (artigu 1º  Dekretu-Lei nº 9/2009, 18 fevereiro).

Medida prinsipál setoriál hosi PNTL ba tinan fiskál 2021 mak asegura, mantein no salvaguarda  seguransa nasionál no orden públika, implementa polítika jéneru no promove governasaun di’ak no  jestaun institusionál iha ministériu refere.

Hosi medida prinsipál hirak ne’e Polísia Nasionál Timor-Leste propoin $36,099,695.00 ba tinan fiskál 2021 ne’ebé koloka ba saláriu no vensimntu $ 16,876,743.00, bens no servisu $17,245,222.00 no kapitál minór $1,977,730.

Alokasaun orsamentál kada programa ho kódigu 366 kona-ba seguransa nasionál sei gasta $14,692,688.00, programa 412 kona-ba implementasaun polítika jéneru sei gasta rihun $103,150, programa 423 kona-ba seguransa no orden públika  sei gasta $1,045,461 no programa 510 kona-ba governasaun di’ak no jestaun institusionál sei gasta $20,258,396.00.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here