Kondisaun sala aula Eskola EBF suku Railaco Kraik. Imajen Tatoli/Natalino Costa

DILI, 10 dezembru 2020 (TATOLI)—Ministériu Edukasaun Juventude no Desportu (MEJD), iha tinan 2021 sei harii sala aprendizajen hamutuk 800 tanba Parlamentu Nasionál aprova ona item orsamentu ne’ebé aloka ba projetu ne’e ho valór $28,672,636.

Ministru Edukasaun Armindo Maia, hateten durante ninia mandatu sei harii sala aprendizajen hamutuk 1500 fazeadamente iha territóriu Timor-Leste.

Notísia Relevante :Governu Sei Tau Atensaun Hadi’a Sala-de-Aula 1000 Resin

“Modalidade rua ne’ebé maka ita sei foti husi orsamentu fundu transferénsia públika ho montante $20, 977,235 no kapitál dezenvolvimentu $7,695,501 osan sira ne’e mak atu harii no hadi’a sala de aulas husi ensinu pre-eskolár to’o ensinu sekundária,” nia dehan iha Parlamentu Nasionál kinta ne’e.

MEJD mós iha tinan oin sei aloka orsamentu purvolta $4,057,476 hodi halo kontrusaun infraestrutura bázika ba eskola CAFÉ iha Munisípiu Ainaro, Covalima, Baucau, Lautem no Liquiça.

Entretantu, ohin Parlamentu Nasionál aprova ona proposta Orsamentu Jerál Estadu 2021 ho valór $111,478,459 ba Ministériu Edukasaun Juventude no Desportu (MEJD) hodi ezekuta iha tinan oin.

Verba orsamentu ne’e konsidera boot kompara ho tinan 2020, Parlamentu Nasionál (PN) aprova OJE ba MEJD inklui Sekretáriu Estadu Juventude no Desportu ho montante millaun $70.402.

Ohin, deputadu sira vota ho votu a-favór 44 kontra no abstensaun 0.

OJE 2021 nian tuir planu sei ezekuta ba saláriu vesimentu purvolta $61,629,121 bens  no servisu $16,650,131, kapitál menór $2,995,700, kapitál dezenvolvimentu $7,015,951 no transferénsia públika $23,188,556.

Notísia Relevante :Governu sei hadi’a sala-de-aula 91 iha Ermera

Jornalista :Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here