Plenária Parlamento Nasionál. Imajen TATOLI/Egas Cristovão.

DILI, 10 dezembru 2020 (TATOLI)—Proposta orsamentu ba tinan fiskál 2021 hosi Ministériu Interiór ho montante $18,359,338.00 aprovadu ho rezultadu votasaun a-favór 40, laiha kontra no abstensaun.

“Ho nune’e orsamentu Ministériu Interiór pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál, kinta ne’e.

Ministériu Interiór (MI) nu’udar departamentu governamentál ne’ebé responsável ba konsesaun, ezekusaun, koordenasaun no avaliasaun ba polítika, definida no aprovada iha Konsellu Ministru, ba área seguranaa interna, migrasaun no azilu, controla fronteira, protesaun sivíl, seguranea rodoviária no kooperasaun polisiál (artigu 2º Dekretu-Lei no.14/2019, 10 de jullu).

Medidia prinsipál setoriál hosi Ministériu Interiór ba tinan fiskál 2021 mak promove, garante no salvaguarda seguransa nasionál, implementa polítika jéneru no promove governasaun di’ak no jestaun institusionál  iha ministériu refere.

Hosi medida prinsipál hirak ne’e alokasaun orsamentu 2021 ba Ministériu Interior hamutuk $18,359,338.00 ne’ebé koloka ba saláriu no vensimentu $9,069,537.00, bens no servisu $6,474,266.00, kapitál minó $1,720,155.00, kapitál dezenvoolvimentu rihun $95,380 no transferénsia públika $1,000,000.00.

Purtantu alokasaun orsamentál kada programa ho kódigu 366 kona-ba seguransa nasionál sei gasta 2,373,490.00, programa ho kódigu 412 kona-ba implementasaun polítika jéneru sei gasta rihun $22,715, programa ho kódigu 431 kona-ba servisu protesaun sivíl sei gasta $13,452,244.00 no programa 510 kona-ba governasaun di’ak no jestaun institusionál sei gasta $2,510,889.00.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here