Atividade deputadu sira liuhosi plenária Parlamentu Nasionál. Dokumentasaun

DILI, 10 dezembru 2020 (TATOLI)—Ministériu Planu no Ordenamentu (MPO) ninia proposta orsamentu jerál Estadu (OJE) 2021 ho montante millaun $15,211 hetan aprovasaun  husi deputadu sira iha Parlamentu Nasionál durante diskusaun espesialidade.

Orsamentu Jerál Estadu tinan 2021 ba MPO aprovadu ho votu a-favór 44 kontra no abstensaun 0.

Notísia Relevante :2021, MPO prioritiza planu nasionál ordenamentu territoriál

“Ho nune’e orsamentu ba Ministériu Planu no Ordenamentu ne’e pasa,”Prezidente Parlamentu Nasionál, Deputadu Aniceto Longuinhos Lopes, anúnsia iha plenária Parlamentu Nasionál, kinta (10/12).

Husi totál millaun $15,211,168, fahe ba kategoria saláriu no vensimentu $793,295, bens (sasán) no servisu millaun $5,548,507, kapitál menór millaun $1,626,301, kapitál dezenvolvimentu  millaun $7,243,065.

Tuir livru orsamentu, MPO iha programa prinsipál hitu (7) maibé sei foku liu atu estabelese Planu Nasionál Ordeanmentu Territoriál ho alokasaun orsamentu millaun $3,781,544.

Programa estabelese polítika ordenamentu territóriu, ordenamentu kosteira, planeamentu territoriál, informasaun jeográfika no kartográfika atu promove koesaun nasionál no asegura simultáneu defeza no valoriza patrimóniu kulturál no naturál.

Alokasaun orsamentu ba programa hitu maka hanesan; programa garantia kualidade implementasaun no ezekusaun projetu ho alokakasaun orsamentu millaun $2,291,800, implementasaun polítika jéneru  $15,000, programa boa-Governasaun no jestaun institusionál millaun $1,714,795, programa koordenasun estratéjia dezenvolvimentu médiu no longu prazu $1,508,667.

Programa Planeamentu no Dezenvolvimentu Integradu Munisipál (PDIM) millaun $4,695,006, programa implementasaun projetu liña ministeriál ba sub-kontrolu diretu Ajénsia  Dezenvolvimento Nasionál (ADN) millaun  $1,204,356.

Notísia Relevante :2021, MPO foku ba lejizlasaun no levantamentu planu ordenamentu nasionál

Jornalista:Antónia Gusmão.  

Editór :Agapito dos Santos

HAKEREK NO HATÁN

Please enter your comment!
Please enter your name here