Imajen Portu Dili. Foto espesiál

DILI, 10 dezembru 2020 (TATOLI)—Orsamentu Jerál Estadu (OJE) 2021 $3,896,457 ne’ebé aloka ba Autoridade Portuáriu Timor-Leste, Institutu Públiku, kinta ne’e, hetan aprovasaun iha Parlamentu Nasionál hodi ezekuta ba medida prisipál iha setor 10.

PN aprova ho votus a-favór 42 abstensaun no kontra 0.

Notísia Relevante :APORTIL Aloka Rihun $500 Reabilita Uma ba Terminál Portu Dili

“Orsamentu ba  Autoridade Portuáriu Timor-Leste, Institutu Públiku aprovadu,” katak Prezidente PN, Aniceto Longuinhos Guterres anúnsia rezultadu votasaun ne’e iha plenária ohin.

Millaun $3,896,457 ne’e fahe ba kategoria saláriu no vensimentu $457,510, bens (sasán) no servisu $3,320,187, kapitál menór $118,760 kapitál dezenvolvimentu no transferénsia públika laiha (0).

Medida prinsipál iha setór 10 ne’e maka asegura jestaun operasaun portuária, kapasita rekursu umanu profisionál hodi fó atendimentu ba operasaun kabutazen nasionál no tripulante ba naviu pasajeiru iha Ró Berlim Nakroma no naviu seluk, aumenta no reforsa traballu liuhosi rekrutamentu ba pesoál sira.

Nune’e mós garante bem-estar funsionáriu APORTIL, ne’ebé ezerse atividade iha área risku ho kategoria risku A, B no C ho alokasaun orsamentu ba subsídiu risku.

Finaliza no asegura manutensaun ba edefísiu APORTIL iha portu Dili, nune’e mós garante atendimentu ho kualidade, no seguransa ba kliente ne’ebé utiliza portu Dili.

Insentiva no aumenta reseita liuhosi diminuisaun tempu espera ba naviu no karga jerál no naviu kontententór.

Mantein operasaun di’ak ho naviu pasajeiru Berlin Nakroma, hanesan manutensaun di’ak ba Berlin Nakroma tantu rutina no anuál. Mantein seguransa iha portu Dili ho di’ak tantu aspetu jerál durante operasaun relasiona ho kódigu ISPS. No ikus liu mak promove boa-Governasaun no jestaun institusionál.

Notísia Relevante :Reseita APORTIL-Alfándega Millaun 7.93 Iha Tinan Ida

Jornalista: Antónia Gusmão.

Editór :Agapito dos Santos

HAKEREK NO HATÁN

Please enter your comment!
Please enter your name here