Loggo AIFAESA.IP. Foto espesiál

DILI, 10 dezembru 2020 (TATOLI)—Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA,I.P) iha tinan fiskál 2021 sei konsentra ba programa prioridade haat.

Prioridade haat ne’e maka asegura jestaun no kontrolu atividade ekonómika no garante kualidade produtu alimentár iha merkadu nasionál, kontribui ba arrekadasaun reseita públika nomeadamente liuhosi aplikasaun kontraordenasaun koima.

Nune’e mós reforsa kapasidade no jestaun kontrolu ba atividade ekonómika ba kualidade bens (sasán) alimentár sira no la’ós alimentár sira. Nune’e mós promove boa-governasaun no jestaun institusionál.

Enkuantu, proposta OJE 2021 ba Instituisaun ne’e, kinta (10/12) hetan ona aprovasaun husi deputadu sira iha uma fukun Parlamentu Nasionál ho montante $1,608,427.

“Ho nune’e orsamentu ba Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku ne’e passa,” dehan Prezidente Parlamentu Nasionál, Aniceto Longuinhos Lopes, anunsia liuhosi plenáriu.

Husi totál verba orsamentu ne’e  fahe bá kategoria saláriu no vensimentu $30.000, bens (sasán) no servisu $ $1,050,427, kapitál menór $528.000, enkuantu kapitál dezenvolvimentu no transferénsia públika laiha (0).

Jornalista: Antónia Gusmão

Editór :Agapito dos Santos

HAKEREK NO HATÁN

Please enter your comment!
Please enter your name here