Diretór Ezekutivu Servico Autonomo Medicamentos Equipamentos Saúde (SAMES), Santana Martins. Imajen Tatoli/Egas Cristovão

DILI, 10 dezembru 2020 (TATOLI)—Diretór Ezekutivu Servisu Autonomu Medikamentu no Ekipamentu Saúde, Santana Martins, hateten tuir planu iha 2021 sei rekruta funsionáriu hamutuk ema na’in 66 hodi koloka atu servisu iha Armazenamentu Munisípiu Ainaro, Baucau no Bobonaro.

Prosesu rekrutamentu ne’e, nia dehan sei akontese hafoin aprovasaun Orsamentu Jerál Estadu (OJE) 2021iha Parlamentu Nasionál ne’ebé prevee ba SAMES hamutuk millaun $10.740 ba kategoria haat.

Notísia Relevante :SAMES laiha espasu rai ai-moruk

”Pela primeiras ves ami hetan orsamentu iha kategoria haat hanesan saláriu vensimentu rihun $ 589, bens servisu millaun $7.9, kapitál menór rihun $265.000, kapitál dezenvolviemntu rihun $150,” dehan Diretór Ezekutivu SAMES ba Tatoli, iha ninia servisu fatin, kinta ne’e.

Ba kategoria kapitál dezenvolvimentu mak atu halo tan armazén SAMES nian iha Dili, tanba agora daudaun SAMES aluga armazén ho kustu $9.500 kada fulan hodi halo armazenamentu ba medikamentu no ekipamentu saúde.

”Agora bens servisu ita aloka ba sosa medikamentu konsumiveis reazentes sira no iha kapitál menór atu sosa tan karreta atu tula ai-moruk no oksijéniu tanba ita iha armazén rejionál presiza transporte inklui mobiliáriu ne’ebé mak atu tau iha armazén foun sira,” nia dehan.

Notísia Relevante :Estoke ai-moruk iha SAMES komesa menus

Jornalista :Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here