Ahi han uma lisan 13 iha Suku Abu, Postu Administrativu Quelicai, Munisípiu Baucau. Imajen foti hosi kronolijia Facebook Gabriel Martins Morreira.

DILI, 09 dezembru 2020 (TATOLI)—Sekretáriu Estadu Arte no Kultura (SEAK) liuhosi ninia ekipa téknika daudaun ne’e hahú halo verifikasaun dadus kona-ba kazu inséndiu ahi-han uma lisan ne’ebé akontese iha Aldeia Maluro Suku Lelalai Postu Administrativu Kelikai Munisípiu Baucau.

“Ha’u orienta ona ba Diretor Património Kultural kona-ba uma lisan ne`ebé ahi han iha Baucau, Posto Administrativu Kelikai, ita orienta tiha ona ba,” Diretór Jerál Arte no Kultura (SEAK), Manuel Ximenes Smith ba Tatoli iha ninia servisu fatin Praia dos Coqeiros Dili, kuarta ne’e.

Notísia Relevante :Vítima Inséndiu Matebian Hun Aumenta

SEAK seidauk simu informasaun ka relatóriu ruma husi vitima sira maibé asesu informasaun ne’e liuhosi mídia sosiál facebook.

“Bainhira ekipa sira tun halo verifiaksaun ona, ita mós respeita katak sira mós hanoin hakarak estabele fali proposta ruma, ne`e depende fali ba ekipa avaliasaun ba dokumentus nian,” nia hateten.

Entretantu, kazu inséndiu ahi han uma lisan ne’e akontese iha loron rua liubá.

Notísia Relevante :Ahi Han Uma 664 iha Munisípiu Sia

Jornalista: Nelia Fernandes

Editór: Agapito dos Santos

HAKEREK NO HATÁN

Please enter your comment!
Please enter your name here