Imajen/Media PR.

DILI, 09 dezembru 2020 (TATOLI)—Proposta orsamentu millaun $26,8 hosi Ministériu Negósiu Estranjeiru no Kooperasaun (MNEK) liderada Adaljiza Magno, aprovadu iha espesialidade.

Papél Ministériu Negósiu Estranjeiru no Kooperasaun nu’udar departamentu governamentál responsável ba konsesaun, ezekusaun, koordenasaun no avaliasaun polítika. Nune’e mós, define no aprova liuhosi Konsellu Ministru iha área polítika esterna no kooperasaun internasionál no asume funsaun konsulár, promosaun no defeza interese sidadaun timorense iha exteriór.

Proposta orsamentu hosi MNEK ho montante $26,830,402,000.00 (millaun $26.8) aprovadu ho rezultadu votasaun a-favór 42, laiha kontra no abstensaun.

“Ho nune’e orsamentu Ministériu Negósiu Estranjeiru no Kooperasaun pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária Parlamentu Nasionál, kuarta ne’e.

Medida prinsipál setoriál hosi MNEK ba tinan 2021 mak responde ho forma efikaz no efisiente kona-ba implementasaun polítika esterna Timor-Leste nian.

Nune’e mós fortalese, konsolida (hametin) no haluan relasaun diplomátika ezistente no atua ho forma resíproka, prepara funsionáriu diplomata altamente ho kualifikada.

Medida prinsipál seluk hosi MNEK ba 2021 mak promove boa governasaun, jestaun institusionál iha ministéru refere no servisu hotu ne’ebé depedente ba ministériu refere.

Hosi medidia prinsipál hirak ne’e ba tinan fiskál 2021 MNEK propoin $26,830,402.00 ne’ebé koloka ba saláriu vensimentu $15,215,000,00 bens servisu $9,971,474,00 kapitál minór $1,603,928,00 kapitál dezenvolvimentu zero no transferénsia públika rihun $40,000.

Alokasaun orsamentál kada programa ho kódigu 400 kona-ba polítika esterna RDTL sei gasta $20,973,800.00 no programa kódigu 510 kona-ba boa governasaun no jestaun institusionál sei gasta $5,856,602.00.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here