DILI, 09 dezembru 2020 (TATOLI)—Governu liuhosi reuniaun Konsellu Ministru (KM), kuarta (09/12) aprova ona akordu finansiamentu entre Repúblika Demokrátika Timor-Leste (RDTL) no Banku Mundiál kona-ba projetu fortalesimentu ensinu báziku no dezenvolvimentu infraestrutura bee moos no saneamentu iha Munisípiu Baucau.
“Konsellu-Ministru aprova ona akordu finansiamentu entre Estadu Timor-Leste ho Banku Mundiál,” Ministru Prezidensia Konsellu Ministru, Fidelis Manuel Leite Magalhães, iha Palacio do Governo Dili, ohin.
Projetu akordu finansiamentu entre parte rua ne’e, aprezenta husi Ministru Finansa Rui Augusto Gomes. Enkuantu akordu ne’e sei asina husi Ministru Finansa maka reprezenta Governu Timor-Leste.
Jornalista :Antónia Gusmão.
Editór:Agapito dos Santos
