Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (30/09). Imajen Tatoli/António Gonçalves

DILI, 09 dezembru 2020 (TATOLI) —Reuniaun Konsellu-Ministru kuarta ne’e aprova ona projetu dekretu-lei hodi fó insentivu finanseira estra-ordináriu ba Suku sira iha territóriu Timor-Leste.

Ministru Presidensia Konsellu Ministru, Fidelis Manuel Leite Magalhães iha Palacio do Governo Dili, hateten projetu lei ne’e atu rekoñese servisu lideransa komunitáriu sira iha baze.

Notísia Relevante :KM altera dekretu-lei orgánika MTKI

“Konsellu Ministru aprova projetu Dekretu-Lei kona-ba insentivu finanseiru estra-ordináriu ba Suku sira, ne’ebé aprezenta husi Ministru Administrasaun Estatál, Miguel Pereira da Carvalho,” Ministru Fidelis, dehan.

Nia dehan durante ne’e Xefe suku ho ninia estutura iha baze  fó ona kontribuisaun hodi implementa programa Governu nian iha baze hanesan subsídiu uma-kain ne’ebé ramata ona no programa Cesta Bázika ne’ebé daudaun ne’e implementa hela.

Entretantu, daudaun ne’e iha ona suku hamutuk 452 iha territóriu Timor-Leste.

Jornalista :Antónia Gusmão.

Editór :Agapito dos Santos

HAKEREK NO HATÁN

Please enter your comment!
Please enter your name here