Sekretáriu Estadu Kooperativa, Elizário Ferreira. Imajen Tatoli/António Gonçalves

DILI, 09 2020 (TATOLI)—Sekretáriu Estadu Kooperativa (SECoop, sigla portugés), Elizário Ferreira,  klasifika funsionamentu kooperativa ho sanulu resin haat no oras ne’e daudaun iha ramu haat mak funsiona ho di’ak.

Notísia Relevante: SECoop sei kapasita dirijente koperativa sira liuhosi formasaun

“Tuir ramu kooperativa iha sanulu resin haat (14) maibé haat mak foin funsiona,” Elizário Ferreira informa ba Agência TATOLI iha sorumutu ho dirijente no memebru kooperativa sira iha Fundasaun Hanai Malu, Bairru-Pité, Dili, kinta ne’e.

Husi ramu haat ne’e, Elizário heteten, kooperativa kréditu mak lidera hela hanesan kooperativa ne’ebé funsiona hanesan instituisaun.

Segundu, nia dehan, mak koopertiva peskas maibé maske nune’e sira funsiona hanesan faan ikan iha federasaun ida.

Terseiru, tuir nia, mak mak kooperativa sósiu agríkola ne’ebé mak agrikultór sira funsiona maibé institusaun rasik ladún funsiona.

Kuartu, nia dehan, mak kooperativa multi setorál ho dirasaun ne’ebé iha mak  ladún la’o maibé normalmente hotu-hotu agora daudaun iha komunikasaun di’ak.

“Barak liu atu asesu finanseiru ne’ebé mak tau iha federasaun no bele hala’o sira-nia atividade. Tanba ne’e, iha progresu entre setembru mai dezembru, sira rasik deklara liuhosi sira-nia relatóriu ne’ebé aprezenta ba SECoop,” Elizario esplika.

To’o oras ne’e, nia haktuir, Sekretáriu Estadu Kooperativa (SEKoop) rejista kooperativa kréditu hamutuk hitu nulu resin ida (71) no kooperativu produtivu hamutuk rua nulu resin hitu (27) no restante seidauk rejistadu.

Jornalista: Natalino Costa

Editór: Cancio Ximenes

HAKEREK NO HATÁN

Please enter your comment!
Please enter your name here