Imajen/Espesial.

DILI, 08 dezembru 2020 (TATOLI)—Xefe Estadu Francisco Guterres Lú Olo iha esperansa katak sei ba vizita Estadu Vatikanu hodi hasoru-malu ho Papa Francisco.

Notísia Relevante: Estadu rekoñese edukasaun Katólika hamosu líder barak iha TL

“Ha’u hein katak, iha ha’u-nia mandatu, ha’u  bele vizita Vatikanu no hasoru-malu ho Amu Papa Francisco, ne’ebé ha’u admira. Prezidente Repúblika konvida ona Amu Papa Francisco atu vizita Timor-Leste no ha’u hein katak ida ne’e sei akontese iha tempu badak,”  Xefe Estadu hato’o sentimentu esperansa ne’e liuhosi diskursu selebrasaun aniversáriu Dioseze Dili (arkedioseze) ba dala-80 ne’ebé le’e hosi Xefe Kaza Sivíl Prezidénsia Repúblika, Francisco Maria de Vasconselhos, iha Igreja Katedral Nossa Senhora Imaculada da Conceição, Villa Verde, Dili, tersa ne’e.

PR Lú Olo mós konta tuir katak iha tinan kotuk Prezidente Repúblika iha intensaun atu halo vizita ofisiál ba Vatikanu no hasoru malu mós ho Amu Papa Francisco. Infelizmente, tanba razaun polítika, no viajen ne’e la konsege realiza.

Entretantu, durante tinan 2018 Parlamentu Nasionál (PN) kansela viajen Prezidente Repúblika (PR), Francisco Guterres Lú Olo, ba dala-haat, hanesan ba Amérika, Portugál, Indonézia, inklui ba Vatikanu.

Jornalista: Cipriano Colo

Editór: Cancio Ximenes

 

HAKEREK NO HATÁN

Please enter your comment!
Please enter your name here