Selebrasaun Misa tinan 80 ejistensia Arkedioseze Dili iha Igreja Katedral Dili. Imajen/Nelia Fernandes.

DILI, 08 dezembru 2020 (TATOLI)—Arkidioseze Dili, iha tersa (08/12) komemora tinan 80 ejisténsia Dioseze Dili ho selebrasaun misa ne’ebé prezide husi Arkebispu Metropolitana Dili, Don Virgílio do Carmo da Silva SDB iha Igreja Katedrál Dili.

Iha omilia Don Virgílio hateten komemorasaun aniversáriu tinan 80 Arkidioseze Dili ba tinan ne’e hanaran tinan pandemia.

Notísia Relevante :Arcebispu Metropolitana Dili kondekora katekista na’in 30

“Komemorasaun Aniversáriu Arkidioseze iha tinan ida ne`ebé, ita hanaran tinan pandemia, obriga inan sala la’ek nia illãs (Imaculada Conceição), mak tenke halo viajen husi Arkidioseze bá vigararia sira, husi vigararia tun to’o parókia,  kuaze parókia no nia hakat liután tun to’o estasaun no kapela sira hotu,” nia hateten.

Bibi-atan ne’e apresia maske oras ne’e Timor-Leste enfrenta hela situasaun pandemia globál COVID-19 hodi obirga ema hotu tenki kumpre distansiamentu fiziku no sosiál, maibé  nia observa durante vizita mahein Arkidioseze Dili Imaculada Conceição ba iha parókia no estasaun sira, sarani sira nafatin entusiasmu hodi simu illãs Na’in Feto.

Prezensa Na’in Feto nian atu konvida no fanun sarani sira idaidak hodi hametin liután sira-nia fiar ba Maromak.

“Magnifikat ba Maromak letan aas ba, mai ita hananu knananuk foun, ba sa tinan ualu-nulu  nia laran ne’e, Maromak halo ona buat kmanek, buat furak oioin mai ita no mai ita-nia rain di’ak hotu ne’ebé ita simu ona, labarak ita labele sura karik, tanba Maromak la sukat nia domin mai ita, Maromak fó nunka sura, maibé ita mak la rekoñese di’ak Maromak nian mai ita, tan ne’e atu fó de’it oras ida ba Maromak mós dala ruma ita karak tebes,” katak Don Virgílio.

Jornalista :Nelia Fernande

Editór :Agapito dos Santos

HAKEREK NO HATÁN

Please enter your comment!
Please enter your name here