Primeiru-Ministru, Taur Matan Ruak. Imajen TATOLI/Egas Cristovão

DILI, 05 dezembru 2020 (TATOLI)—Primeiru Ministru (PM),  Taur Matan Ruak, rekoñese sustentabilidade ba fundu minarai iha problema tanba ne’e presiza loke diskusaun ba modelu dezenvolvimentu nasaun nian.

“Kona-ba sustentabilidade fundu petrolífera tempu seluk ita sei ko’alia. Ha’u hanoin ne’e problema ida. Ha’u hanoin hakarak ka lakohi ne’e kestaun nasaun tomak nian, la’ós de’it líder sira de’it, liuliu órgaun Estadu sira tenke diskute makaas,” Xefe Governu ko’alia asuntu ne’e hodi responde Deputadu Adriano Nascimento ne’ebé propoin diálógu nasionál ba sustentabilidade fundu minarai, iha plenária Parlamentu Nasionál, sábadu ne’e.

Eis Prezidente Repúblika ne’e informa ba reprezentante povu sira katak opsaun polítiku ne’ebé adota maka Politíka Fiskál Antesipada (front‐loading fiscal policy).

Polítika front‐loading fiscal policy katak halo orsamentu Estadu boot iha períodu tempu badak liuhosi finansiamentu esesu levantamentu hodi finánsia dezenvolvimentu kapitál umanu no infrastrutura bazíka atu fasilita no enkoraja investimentu setór privadu no diversifika ekonomia.

“Ha’u lembra katak Prezidente Repúblika ko’alia ona ho ha’u kona-ba posibilidade loke diskusaun barak kona-ba matéria sira-ne’ebé estruturante ba dezenvolvimentu Timor nian. Tanba ne’e, ita sei iha tempu para halo diskusaun,” Jenerál Taur Matan Ruak, esplika ba deputadu sira.

Notisia Relevante: Deputadu Adriano propoin diálogu nasionál diskute sustentabilidade fundu minarai

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here