Produtu Cesta Bázika iha bote Imajen TATOLI/Antónia Gusmão

DILI, 04 dezembru 2020 (TATOLI)–Ministeriu Turizmu Komérsiu no Indústria (MTCI, sigla portugés) ne’ebé responsavél ba iha modalaidade voucher iha Cesta Bázika, ohin, ofisialmente hala’o lansamentu  ba iha distribuisaun Cesta Bázika  ho modalaidade voucher iha Munisipiu Dili.

Notísia Relevante: MTKI sei halo akordu ho loja troka voucher ba produtu

Vise-Ministru Turizmu Komérsiu  no Indústria (MTKI), Domingos Lopes Antunes, hateten  ohin parte Ministériu Turizmu no Komérsiu  hala’o lansamentu modalidade voucher ba Cesta Bázika hodi fornese ba benefisiáriu sira hamutuk  287.770 iha postu administrativu haat iha Munisipiu Dili no iha área urbana sira.

“Ohin, ita mai fatin ida-ne’e, atu lansa Cesta Bázika ho modalidade voucher liuliu ba iha Munisipiu Dili,  hodi fornese ba benefisiáriu sira hamutuk  287.770 iha postu administrativu haat mak hanesan Dom Aleixo, Kristu Rei, Nain Feto no Postu Administrativu  Metinaro,” Vise-Ministru Turizmu Komérsiu  no Indústria (MTKI), Domingos Lopes Antunes, hato’o iha nia intervensaun bainhira hala’o lansamentu  ba distribuisaun Cesta Bázika  ho  modalaidade voucher iha Munisípiu Dili ne’ebé hala’o iha Sentru Konvensaun Dili (sigla portugés CCD), sesta ne’e.

Nia hateten, loja sira-ne’ebé mak fasilita voucher ba benefisiáriu sira iha Dili ne’e hamutuk loja 15 mak hanesan Loja Amigu Toos Nain, Loja argrikutór, Jacinto Supermarket, Lita Store, Lisun Supermarket, Funan Buras, Acelda, Starking May Mart, Fitun, W Four, Maubara no seluk seluk tan.

Governante ne’e dehan, enkuantu ba vocher ne’e rasik Governu liuhusi MTKI servisu hamutuk ho empreza nasionál sira no halo parseria ho empreza nasionál hanesan Grafika Nasionál ho Téknolojia Informasaun Komunikasaun (TIC) Timor no WFP dezeña no imprime voucher ba iha sidadaun sira iha munisipiu Dili, hodi hafasil transaksaun tanba iha Dili ho populasaun bo’ot.

Tanba ne’e, nia dehan, Governu sei halo kalendáriu atu nune’e populasaun sira ba loja hodi evita liña naruk no mantein distansiamentu sosiál. Nia dehan, benefisiáriu ida-idak sei simu sasán Cesta Bázika ne’e ho presu $50 dala ida hahú ba fulan rua nian hosi Novembru to’o Dezembru no iha voucher ne’e rasik loja fornesedór sira sei oferse hahan nutritivu no ijieniku.

Iha fatin hanesan, Ministru Kordenadór Asuntu Ekonómia (MKAE) Joaquim Amaral hateten, modalidade distribuisaun Cesta Bázika ho modalidade voucher ne’e nu’udar momentu istóriku ida ba sosiadade Timor-Leste tanba ida-ne’e primeira vez akontese iha Timor-Leste.

Tanba ne’e nia parrte lori Governu nia naran hakarak agradese liuliu ba kompañia sira ne’ebé aseita dezafiu ida-ne’e. Governante ne’e mós agradese ba MTKI ho niniai ekipa iha tempu badak bele realiza programa planu rekuperasaun ekonómiku liuliu modalidade voucher.

“Ha’u bele dehan katak modalidade kupon ne’e bele ajuda tebe-tebes tanba sei kobre área urbana hotu hotu iha Timor-Leste,” nia dehan.

Iha fatin hanesan, Ministru Turizmu Koermsiu no Industria (MTKI) José Lucas do Carmo da Silva hateten atividade distribuisaun modalidade Cesta Bázika ne’e sei la’o di’ak. Tanba ne’e, nia husu atu autoridade lokál hotu koopera atu fó susesu ba programa Governu nian ne’e.

Entretantu, lansamentu ba distribuisaun Cesta Bázika  ho  modalaidade voucher iha Munisipiu Dili  ne’ebé hala’o iha CCD ne’e lansa hosi MAKE,  Joaquim Amaral, akompaña hosi Ministru Turizmu Komersiu no Industria José Lucas do Carmo da Silva, Vise-MTKI,  Prezidente Autoridade Munisipiu Dili, reprezentante WFP iha Timor-Leste no entidade sira seluk.

benefisiáriu

Jornalista: Natalino Costa

Editór: Cancio Ximenes

HAKEREK NO HATÁN

Please enter your comment!
Please enter your name here