KBRI realiza diskusaun "forum business", sesta (04/12). Imajen Tatoli/Hortencio Sachez

DILI, 04 dezembru 2020 (TATOLI) – Embaixada Repúblika Indonézia (KBRI, sigla Indonézia) iha Dili, ohin, realiza diskusaun “forum business” hodi haree ba vantanjen kooperasaun  ekonomia  Timor-Leste no Repúblika Indonézia, liuliu kona-ba oporunidade  Orsamentu Jerál Estadu (OJE) 2021 nian.

Embaixadór Indonézia mai Timor-Leste, Sahat Sitorus. Imajen Tatoli/Egas Cristovao

“Tuir ha’u nia haree hori uluk to’o agora polítika Timor-Leste nian pozitivu hodi hala’o dezenvolvimentu. Maibé, ohin ha’u hamutuk ho Ministru Petroleum no Rekursu Mineral no funsionáriu balun hosi saúde, edukasaun no ami mós konvida Kamara Komérsiu Indústria Timor-Leste no seluk tan hodi ko’alia kona-ba dezenvolvimentu Timor-Leste nian no relasaun amizade entre nasaun rua liu-liu oinsá bele dezenvolve iha area ekonomia no investimentu,” Embaixadór Repúblika Indonézia nian mai Timor-Leste, Sahat Sitorus, esplika ba  ba jornalista-sira iha KBRI, Dili.

Embaixadór Sahat Sitorus, konsidera Timor-Leste iha potensiál boot hodi halo investimentu iha area oi-oin, nune’e bele loke kampu traballu ba joven Timoroan sira.

“Timor-Leste iha oportunidade boot atu loke kampu traballu barak liu hosi servisu hamutuk entre nasaun viziñu sira hodi mai loke investimentu,”  nia hateten.

Nia fó ezemplu rai mamuk barak iha munisípiu-sira ne’e potensiál boot ba agrikultura. Nune’e oinsá mak bele dezenvolve,  Governu mak tenke tau prioridade hodi nune’e dezenvolve kampu traballu ba timoroan barak tebes.

Bainhira Timor – Leste dezenvolve makas iha area agrikultura lao di’ak ona hein de’it atu lobi ho nasaun seluk iha li’ur hodi esporta produtu Timor -Leste nian nune’e labele dependénsia ona ba importasaun.

Iha serimónia ne’e, loke mós espozisaun iha resintu KBRI nian hodi oferta bebida no ai-han-sira hanesan es buah, etu, ikan, na’an no seluk tan hodi fasilita ema ba vizita no han iha ne’ebá.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here