Bebé foin moris. Ilustrasaun

DILI, 04 dezembru 2020 (TATOLI)—Xefe Gabinete Kontrolu Kualidade Ospitál Nasionál Guido Valadares (HNGV-sigla portugés), Sara Maria Xavier, relata durante fulan-novembru 2020 rejista inan isin-rua hamutuk 405 maka partu, partu ho instrumentu ventoza obstétrika 36 no sezariana 99.

”Totál inan admitida ne’ebé rejistu iha maternidade hamutuk 409 no husi 409, 405 mak partu, 270 mak partu normál no partus sesariana hamutuk 99 no mós inan ne’ebé mak partu ventoza ka partu instrumentu hamutuk 36 no partu bebé nia kidan mak uluk hamutuk na’in haat,” nia dehan  ba jornalista sira iha nia kna’ar fatin sesta ne’e.

Notísia Relevante :Inan Isin-Rua 1.931 Mak Partu iha HNGV

Husi totál inan ne’ebé partu 405 ne’e iha bebé 411, bebé na’in ualu maka mate iha inan-nia kabun bainhira partu.

Iha parte seluk pasiente ne’ebé maka halo tratamentu iha sala emerjénsia hamutuk 3.040, kazu asidente tráfiku hamutuk 75, asidente karreta 14, violénsia doméstika tanba pankada  tuku, taa, sona  no baku malu iha kazu 17.

“Vitima fizíka sosiál ema tuda ho fatuk na’in rua, ema taa ho katana 14 o ema sona na’in tolu intoksikasaun ka veneno mak lanu hamutuk na’in lima,”nia hateten.

Pasiente 3.040 ne’e , iternamentu iha sala maternidade durante fulan novembru 391, sala medisina interna 287, sala sirúrjia 130, pediátria 113, permotolojia 40 no internamentu iha sala psikiátria ka accute care na’in lima.

“Totál pasiente ne’ebé mak alta husi emerjénsia hamutuk 316 mate iha emerjénsia hamutuk na’in sia, nain hitu mate iha dalan no nain rua mate iha emerjénsia tanba ho atakasaun fuan,” katak nia.

Notísia Relevante :Kazu mortalidade inan no oan iha HNGV menus

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here