Imajen/PLFTL

DILI, 03 dezembru 2020 (TATOLI) – Ekipa AD Samoro tenke fahe pontu ho ekipa São Fran. Xavier tanba rezultadu jogu termina ho golu 2-2.

Notísia Relevante : PLFTL 2020, B’Tal vs Kuda Ulun 1-1

Jogu ekipa rua nian hanesan mós jogu kontinuasaun Pra Liga Futeból Salaun(Futsal) Timor-Leste (PLFTL) ne’ebé hala’o iha salaun futsal Kuartél Jenerál FALINTIL-Forsa Defeza Timor-Leste (F-FDTL), Fatuhada, Dili ne’ebé hala’o ohin kalan.

Golu Samoro kontribui hosi jogadór Rafael Carvalho iha minutu ’15, José Vong ’27. Enkuantu golu São Fran. Xavier hatama hosi jogadór, Simson iha minutu ’19 no Zemilton ’36.

Jogu ba ekipa rua ne’e obrigadu tenke termina ho empata tanba jogu ne’ebé ekipa rua ne’e hatudu iha kampu laran forsa hosi ekipa rua ne’e kuaze hanesan. Tanba ne’e to’o minutu ikus árbitru huu apitu naruk termina jogu vitória la monu ba ekipa ida, maibé fahe de’it pontu ba malu.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here