Ilustrasaun klima iha Timor-Leste. Imajen/DNMG

DILI, 03 dezembru 2020 (TATOLI)—Meteorolojista Diresaun Nasionál Meterolojia no Jeofízika (DNMG, sigla portugés) hosi Ministériu Transporte no Komunikasaun (MTK), Simão Teles Fernandes, hateten parte diresaun  halo ona previzaun katak iha novembru to’o dezembru sei mosu intesidade udan boot, ne’ebé sei para iha marsu 2021.

“Ami observa liuhosi modelu meteorojiku katak fenomenu La Nina iha probabilidade aproximadamente pursentu 80 sei eziste ou mantein to’o fulan-janeiru 2021 no probabilidade aproximadamente pursentu 60 nia to’o fulan-fevereiru to’o marsu 2021 ho ida ne’e ita sei simu udan been barak kompara ho media klimatolojia”, dehan nia ba Agência TATOLI, foin lalais, iha ninia knaar fatin, Kaikoli.

Nia dehan tuir observasaun metereolojia kosta norte iha formasaun baixa presaun ne’e kauza hosi udan ne’ebé agora daudaun akontese.

Nia esplika Madden-Julian Oscilation (MJO) ne’e fenomenu ida ne’ebé la-jere udan, maibé intensifika udan, maka udan hela fenomenu ne’e passa iha ita-rain ho ida ne’e nia sei intensifika udan makaas liután

DNMG fó ona alerta ba área balun atu tau atensaun ba risku udan akompaña ho anin boot no rai lakan (tempestade), ne’ebé iha probabilidade boot atu akontese durante períodu loraik.

Área sira ne’e maka hanesan Bobonaru, Ermera (Railaco, Atsabe, Letefoho, Hatolia no Gleno), Ainaro (Hatu-Builico, Maubisse, no Hatu-Udo), Aileu, Manatuto (Laclubar, Soibada no Barique) no Manufahi (Turiscai,Same, Fatuberliu no Alas), Lautem (Iliomar), Viqueque (Dilor, no Ossu ), Manatuto (Laclubar no Soibada), Baucau (Venilale, Baguia) no inklui RAEOA (Pasabe no Oesilo).

Modelu meteorolójiku observa, regiaun sira seluk sei laiha risku ba tempestade, maibé iha tendénsia udan fraku ba moderadu.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here