Ilustrasaun ekipamentu laboratóriu. Imajen/Espesiál

DILI, 03 dezembru 2020 (TATOLI)—Diretora Laboratóriu Nasionál, Endang Soares, deklara nia parte durante ne’e seidauk manipula dadus kona-ba pasiente COVID-19 pozitivu iha Timor-Leste.

Nia dehan dadus ne’ebé nia parte fó sai ne’e kredivel no loos katak ema hirak ne’e kona duni pandemia globá coronavirus.

Ami Laboratóri Nasionál hakarak hateten katak ema ne’ebé mak durante positzivu ne’e rezultadu kredivel tanba ami laboratóriu nasionál mak halo teste ho kualidade no banhira atu teste sidadaun sira ne’e atu hetan reszultadu negativu ka pozitivu ami tenke hasoru prosesu lubuk ida ,” nia hato’o asuntu ne’e hodi hatan ba preokupasau públiku, kinta ne’e iha Bidau.

LABNAS halo servisu ho profisionál no teste sira ne’ebé halo bainhira identifika pasiente sira iha sintoma COVID-19.

”Tanba ne’e mak husu ba públiku katak kazu COVID19 ne’ebé Ministériu Saúde fó sai ne’e kredivel la’ós bosok,” nia afirma.

Entretantu, Ministériu Saúde, iha kuarta (02/12) deteta pasiente estranjeiru ida ho kazu pandemia globál COVID-19 pozitivu no daudaun ne’e izola ona iha sala izolamentu Sentru Saúde Vera Cruz Dili.

Koordenadora Jerál COVID-19, Odete da Silva Viegas, fó sai liuhosi konferénsia imprensa iha salaun Ministériu Saúde Caicoli Dili, hateten sidadaun estranjeiru  ne’e mane ho idade 35, nia viajén husi Uganda bá Dubai iha loron 16 fulan-novembru tinan 2020 no to’o iha Malázia iha loron 17 novembru.

Iha loron 18 novembru tinan 2020 viajén husi Malázia mai iha Dili ho totál pasajeirus ne’ebé mak mai ho aviaun Malázia airlines hamutuk ema nain 63.

Tuir dadus loron iha loron 02  fulan-dezembru 2020 totál númeru teste 14.371, hein rezultadu 613, totál kumulativu kazu 31, rekuperadu 29, no aumenta kazu provavel haat hamutuk 33  kazu foun ida  rezultadu negativu 13.727.

Totál Kuarenetena 159 Dili 114 Munisipiu 45, auto-kurentena hamutuk 193, Dili 192 munisípiu  na’in ida. Pasa ona kuarentena obrigatóriu durante loron 14 iha Dili 5.404 no Munisípiu 1.097.

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here