Diretór jerál Sekretária Estadu Igualdade no Inkluzaun (SEII), Armando da Costa.

DILI, 03 dezembru 2020 (TATOLI)—Diretór jerál Sekretária Estadu Igualdade no Inkluzaun (SEII), Armando da Costa, hateten atividade kampaña loron 16 sei kontribui ba redusaun violénsia hasoru feto no labarik feto Timor-Leste.

“Iha kampaña loron 16 nakonu ho atividade sira hotu, hein bele kontribui ba iha redusasaun ka hakotu violésnia hasoru feto ho labarik feto iha forma saida de’it,” Armindo da Costa hateten ba jornalista sira, bainhira partisipa konferénsia nasionál ba líder feto sira no jerasaun foun ba ha futuru iha salaun Delta Nova, Dili, kinta ne’e.

Nia hateten, edukasaun mak hola parte mós ba ámbitu kampañia loron 16 nian ne’ebé prevee ba iha kualidade no livre hosi violénsia ne’ebé hasoru feto no labrik feto.

“Aspetu importante ida ne’ebé ita konsidera importante mak feto no labarik feto atu bele espresa sira-nia kualidade no dezenvolve sira-nia aan iha lideransa ninian uluk maibé tenke livre hosi kualker tipu aspetu violénsia, inklui violénsia ne’ebé mai ho presaun piskolójia,” nia dehan.

Tanba ne’e, nia dehan, SEII hakarak kongratula Ministériu Edukasaun Juventude no Desportu (MEJD) ne’ebé organiza ona eventu konferénsia nasionál kona-ba “Feto iha Edukasaun” iha ámbitu kampaña ba loron 16 hodi kontra violénsia hasoru  feto no labarik feto, hodi kontinua enkoraja no motiva ema hotu-hotu liuhosi atividade kampaña loron 16 ne’e.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here