idózus ho invalidu sira simu subsidiu iha Banku Nasionál Komersiu Timor Leste (BNCTL-sigla portugés), Imajen/Antonio Goncalves

DILI, 03 dezembru 2020 (TATOLI)—Prezidente konsellu administrasaun Institutu Nasionál Seguransa Sosiál (INSS), Longuinhos Armando Leite, informa parte INSS dirijie ona karta ba Banku Nasionál Komérsiu Timor-Leste (BNCTL, sígla portugés) atu bele halo pagamentu daruak ba ferik katuas (idozu) sira inklui maluk defisiente sira iha Kuarta semana oin.

Notísia Relevante: Governu Sei Estende Pagamentu ba Idozu Sira iha Agostu

“Ami haruka (dirije) ona karta ba BNCTL atu haree no halo ona pagamentu tanba ita-nia orientasaun hosi vise-primeiru ministra, Armanda Berta dos Santos, katak iha 9 fulan dezembru tenke halo ona pagamentu antes tama ba Natál,” Longuinhos Armando Leite, hateten ba Agência TATOLI iha knaara  fatin Caicoli, Dili, foin lalais ne’e.

Tuir nia, parte ministériu hakarak halo pagamentu lalais molok Natál tanba ferik katuas sira bele aproveita buat ruma, liuliu iha loron Natál ba tinan ida-ne’e.

“Tuir planu ita sei hahú pagamentu daruak iha loron 9 fulan ne’e, no sei selu direta ba idozu sira iha suku, bazeia ba regulamentu balun ne’ebé iha,” Longuinhos Armando Leite subliña.

Entretantu, totál idozu ba pagamentu daruak hamutuk rihun 95-resin, konta ho maluk ema ho defisiénsia sira.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here