Diretór Administrasaun Finansa no Lojístika, HNGV, Duarte Marçal Araújo. Imajen: Felicidade Ximenes

DILI, 03 dezembru 2020 (TATOLI)—Diretór Administrasaun Finansa no Lojístika Ospitál Nasionál Guido Valadares (HNGV-sigla portugés), Duarte Araújo, informa tuir planu iha tinan 2021 sei instala oksijéniu permanente iha kada departamentu nune’e bele atende pasiente sira ho di’ak liután.

”Buat ida ne’ebé mak foun ba iha ospitál mak tenke sentraliza oksijéniu tanba daudaun sei dudu hela oksijéniu ba no mai, maibé orsamentu pasa ita hadi’a sasán sira ne’e iha fatin de’it mak ita uza ba iha kada Departamentu idaidak,” dehan nia iha HNGV, kinta ne’e.

Notísia Relevante:HNGV Buka Hadi’a Kondisaun Infraestrutura iha Sala VIP

Tuir proposta orsamentu jerál Estadu (OJE) 2021 ne’ebé mak prevee ba HNGV hamutuk millaun $11.450.915 hodi ezekuta ba saláriu no vensimentu $5.117.740, bens servisu $4.594.326, Kapitál menór rihun $ 238.849, kapitál dezenvolvimentu $1.500.000, inklui orsamentu $1.739.000 ba planu rekuperasaun ekonómika.

Husi item orsamentu ne’e sei konstrui edifísiu sala Verry Important Person ka VIP, sentrál oksijéniu inklui hariis fatin iha HNGV tomak.

Harii sala VIP andar ida ne’e sei kompleta ho kama 12, tanba daudaun ne’e iha ona kama ba pasiente VIP hamutuk 40, maibé hariis fatin mak kondisaun ladiak ona no presiza hetan manutensaun.

Entretantu, nia relata durante fulan-novembru HNGV kobra ona reseita husi atendimentu sala VIP ho osan $13.185 hodi tau ba kofre Estadu.

HNGV aplika presu sidadaun Timoroan ho folin $30 kada loron ida, no ema estranjeiru $50.00 bainhira halo internamentu iha sala VIP.

Notísia Relevante:HNGV planea sei hari’i sala VIP foun

Jornalista : Felicidade Ximenes

Editót:Agapito dos Santos

HAKEREK NO HATÁN

Please enter your comment!
Please enter your name here