Embaixador Xina Iha TL, Xiao Jianguo oferese bolsa estudu ba estudante na'in 60 husi UNTL.Imajen/Tome Amado.

DILI, 01 dezembru 2020 (TATOLI)—Governu Xina liuhosi ninia Embaixada iha Timor-Leste, tersa ne’e oferese ona bolsa estudu ba estudante Universidade Nasionál Timor Lorosa’e (UNTL), hamutuk ema na’in 60.

Embaixadór Xina ba Timor-Leste, Xiao Jianguo, hateten programa bolsa estudu ne’e oferese ba estudante ho kategoria méritu akadémiku no oan ki’ak ne’ebé daudaun ne’e hodi kontinua sira-nia estudu iha UNTL.

Notísia Relevante :Japaun Hakarak Fó Bolsa Estudu ba Estudante UNTL To’o Na’in 200

“Tinan ida ne’e diferensa ho tinan kotuk estudante bolsa estudu UNTL ne’ebé hetan atensaun husi  Governu Xina aumenta tan númeru ba na’in 60, diferensa ho tinan kotuk ne’ebé iha de’it estudante na’in 50 mak hetan bolsa estudu,” dehan nia iha serimonia entrega bolsa estudu ne’e iha Kampus Enjinária UNTL, Hera, ohin.

Iha fatin hanesan Reitór UNTL, Francisco Miguel Martins, hateten Xina kada tinan sempre oferese bolsa estudu ba estudante UNTL ho orsamentu ba kada estudante $450  kada estudante iha tinan 2020, kompara ho tinan 2019 kada tinan estudante simu $400.

“Ha’u  husu ba imi ha’u nia alin estudante sira ne’ebé mak ohin simu bolsa estudu atu estuda maka’as labele halimar de’it ha’u lakohi imi halo moe UNTL tanba prestasaun tun. Oportunidade diak ne’ebé ohin imi hetan ida ne’e grasa bo’ot ida tan ne’e buka hakas an ba atu nafatin sai estudante ida ne’e matenek,” nia apela.

Estudante benefisiáriu na’in 60 ne’e kompostu husi estudante méritu na’in 30 no oan ki’ak na’in 30.

Iha okaziaun ne’e, Magnífiku Reitór UNTL ne’e reprezenta Governu hato’o agradesimentu wa’in ba Governu Xina liuhosi Embaixadór Xiao Jianguo.

“Ita agradese ba Embaixadór Xina ne’ebé kontinua ajuda timoroan sira iha tinan rua ne’e liuhusi difikuldade orsamentu, sira Valoriza tebes Timoroan sira iha kontestu akadémiku atu bele hasa’e abilidade akadémiku iha futuru,” katak nia.

Notísia Relevante :Estuda Maka’as Lori Rivaldo Hetan Bolsa Estudu Dala Tolu Tutuir Malu Husi Japaun

Jornalista : Tomé Amado

Editór :Agapito dos Santos

HAKEREK NO HATÁN

Please enter your comment!
Please enter your name here