Apoia umanitária ekipamentu médiku nian hosi Cambodia to’o ona iha Aeroportu Internasionál Prezidente Nicolau dos Reis Lobato, ho aviaun Cambodia Airways, kuarta (02/12). Imajen Tatoli/Antonio Gonçalves

DILI, 02 dezembru 2020 (TATOLI) – Apoia umanitária hosi povu no Estadu Cambodia mai povu Timor-Leste, ohin, to’o ona iha Dili, Timor-Leste

Notísia Relevante : Cambodia oferese ajudu umanitária mai povu Timor-Leste

Membru Governu sira baihira simu simbolikamente apoia umanitária ekipamentu médiku nian hosi Cambodia ne’ebé to’o ona iha Aeroportu Internasionál Prezidente Nicolau dos Reis Lobato, ho aviaun Cambodia Airways, kuarta (02/12) Imajen Tatoli/António Goncalves

Apoia umanitária hanesan ekipamentu saúde nian luta  kontra propagasaun surtu COVID-19 ne’ebé oferta hosi Estadu Cambodia ne’e transporta direita ho aviaun rua  Cambodia Airways tun iha Aeroportu Internasionál Prezidente Nicolau Lobato, Comoro, Dili purvolta tuku 11/45 Otl.

Delegasaun Governu Cambodia nian ne’ebé akompaña apoia umanitáriu ne’e to’o iha Aeroportu Comoro, Dili simu direita hosi Ministra Negósiu Estranjeiru no Kooperasaun (MNEC) Adaljiza Albertina Xavier Reis Magno ho Ministra Saúde (MS) Odete Belo.

Ekipamentu hirak ne’e mak hanesan face Masck  hamutuk 1.000.000, Fabric face mask 50.000, Mask N 95 10.000, goggles10.000, PPE 10.000, intra temperature manual check 250, Face sheid 10.000, Ventilator machine for ICU set 10 no seluk tan.

Diretór Jerál MNEC asuntu Bilateral, Domingos Xavio hateten sasán ne’ebé Cambodia fó ba Timor-Leste ne’e entrega kedan ba Ministériu Saúde nu’udar  na’in ba sasán hirak ne’e.

Nia dehan, hosi apoiu hirak ne’e atu prevene propagasaun COVID-19 nu’udar mós sentidu aprofunda lasu kooperasaun entre Cambodia ho Timor-Leste.

Apoia umanitária ekipamentu médiku nian hosi Cambodia to’o ona iha Aeroportu Internasionál Prezidente Nicolau dos Reis Lobato, ho aviaun Cambodia Airways, kuarta (02/12). Imajen Tatoli/Antonio Gonçalves

Biban ne’e, Minister Attachhed to the  Prime Minister Cambodia, Ouch Borith aprofunda katak  kooperasaun no relasaun entre Cambodia no Timor-Leste tenke metin liu tan ba oin hodi ajuda malu.

“Ha’u apresia Timor-Leste nia kooperasaun ho Cambodia. Tempu to’o ona ba Cambodia no Timor-Leste atu hametin di’ak liu tan relasaun hodi apoiu malu iha rejionál, bilateral no mós iha multilateral,” Minister Attachhed to the  Prime Minister Cambodia, Ouch Borith hateten iha nia intervensaun bainhira entrega apoia umanitária hirak ne’e mai Governu Timor-Leste.

Iha parte seluk nia mós koko kafé Timor-Leste nian iha sabór ne’ebé tuir nia gostu no furak tebes.

“Ha’u koko Timor-Leste nia kafé di’ak loos. Cambodia mós prodús kafé hotu mais la to’o hanesan Timor-Leste nian,” nia hateten hodi dehan tan, nia hanoin iha futuru bele esporta kafé hosi Timor ba Cambodia.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here