Xefe Suku Caicoli, Hipólito Marques. Imajen TATOLI/Osória Marques.

DILI, 02 dezembru 2020 (TATOLI)—Xefe Suku Caicoli, Postu Administrativu Nain Feto Munisípiu Dili, Hipolito Soares, hateten Suku Caicoli iha Aldeia lima maibé Aldeia rua maka livre ona husi soe fo’er boot arbiru.”

“Aldeia tolu ne’e la signifika sira laiha sintina maibé sira sintina indireita ba iha valeta tanba ne’e mak aldeia rua halo ona sintina ne’e fó ezemplu ba sira atu nune’e ba oin Caicoli bele livre husi husi soe foer arbiru,”dehan  nia bainhira partisipa programa avaliasaun periódika Planu Asaun Komunidade ba Saneamentu ni Ijiéne (PAKSI) iha Otél Luz Clarita, ohin.

Notísia Relevante :Autoridade Dili ho Fundasaun Alola avalia programa PAKSI

Suku Caicoli iha Aldeia lima maka Sentru da Unidade, Divino 12, Fohorai Boot, Sacoco, 05 Tahu-Laran, Aldeia 05 Tahu-Laran no Fohorai Boot maka livre husi soe fo’er boot arbiru.

Autoridade Munisípiu Dili hamutuk ho Fundasaun Alola durante ne’e implementa ona Planu Asaun Komunidade ba Saneamentu  Ijiéne (PAKSI) tanba hetan kolaborasaun di’ak husi Autoridade Munisipál no lokál hodi garante ambiente seguru no moos ba koomunidade sira.

“Aldeia tolu ne’ebé seidauk livre husi PAKSI mak aldeia Sacoco, Divino 12, no aldeia Sentru da Unidade tanba iha aldeia ne’e balun oan kiak no feto faluk maibé autoridade lokál esforsu an hamutuk hodi deklara livre husi PAKSI iha tinan 2021,” nia hateten.

 Notísia Relevante :Programa PAKSI Sei Konsentra Mós ba Asuntu Má Nutrisaun

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here