Primeiru-Ministru, Taur Matan Ruak, hamutuk ho membru Governu sira defende Proposta OJE 2021 iha debate faze jeneralidade, iha sala plenária. Imajen TATOLI/Egas Cristovão

DILI, 02 dezembru 2020 (TATOLI)Primeiru-Ministru (PM), Taur Matan Ruak, komprometidu buka medida hodi rezolve problema sira liga ba funsionáriu kontratu sira iha nível Governu.

”Ami promote katak iha tinan oin, Governu sei diskute atu haree medida saida mak ita hasai ba situasaun funsionáriu kontratadu, tanba sira la’ós oituan, ho númeru boot ita labele rezolve iha tempu badak tanba balun serbisu ona iha tempu naruk,” Xefe Governu afirma hodi responde preokupasaun deputadu sira iha debate loron datoluk Proposta Orsamentu Jerál Estadu (OJE) 2021 iha faze jeneralidade, iha sala plénariu Parlamentu Nasionál (PN), kuarta ne’e.

Xefe Ezekutivu rekoñese, durante ne’e Governu seiduk halo diskusaun ba problema funsionáriu kontratadu iha insitutuisaun Estadu sira.

“Infelizmente to’o agora Governu seidauk diskute, hafoin kazu Ministériu Edukasaun, Juventude no Desportu hasai funsionáriu kontratatu hamutuk 70 resin. Tanba ne’e ha’u akonsella atu ministériu ida-idak labele trata ninia mesak-mesak, di’ak liu trata iha nível Governu tomak nian,” PM Taur fó hanoin.

Nune’e, PM husu ba funsionáriu kontratadu sira atu kontinua presta serbisu ho profisionál hodi hein solusaun hosi Governu.

Tuir dadus Komisaun Funsaun Públika (CFP, sigla Protugés) iha tinan 2016-2018 rejista funsionáriu kontratadu 10.000 ne’ebé la konta ho sira ne’ebé ninia saláriu liuhosi kategoria bem servisu hanaran kazuál.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here