Livru biografia no istoria moris Saudozu Francisco Xavier do Amaral.Imajen/Tome Amado.

DILI, 30 novembru 2020 (TATOLI)—Diretór Ezekutivu Sentru Nasionál Chega (CNC-sigla portugés), Hugo Maria Fernandes, informa durante prosesu edisaun ba livru biografia no istória moris Saudozu Francisco Xavier do Amaral, nia parte konsege halo revizaun dala hitu antes halo lansamentu.

Diretór Ezekutivu Centro Nacional Chega (CNC), Hugo Maria Fernandes. Imajen/Mídia CNC.

Livru ne’e hakerek husi eskritór Aniceito Guro Berteni Neves ho pájina purvolta 500.

Notísia Relevante :CNC lansa livru biografia no istória moris Francisco Xavier do Amaral

“Ha’u hakarak halo introdusaun badak, nu’udar Diretór Ezekutivu no Editór ba livru ida ne’e kuaze fulan-ualu nia-laran professór Aniceto nervozu ha’u uitoan tanba testu sira ne’ebé nia haruka mai ha’u ne’e konsege hetan revizaun dala hitu no ha’u haruka mós testu barak mak fila,” nia dehan durante serimonia lansamentu livru biografia no istória moris Saudozu Francisco Xavier do Amaral, segunda ne’e, iha Eis Komarka Balide, Dili.

Halo revizaun dala hitu ne’e ho objetivu atu prodúz livru ida ho kontestu semi akadémiku no semi biografia, la’ós dezmente atu halakon faktu husi istória ne’e rasik. Nune’e CNC deklara katak livru ne’ebé lansa ona ne’e iha duni kontestu istória no memoria.

Iha fatin hanesan, Prezidente Konsellu Imprensa (CI-sigla portugés) Virgílio da Silva Guterres, observa katak la fasil atu hakerek livru kona-ba jerasaun tuan ho ninia istória ne’ebé mak hakerek husi jerasaun foun ida. Maibé Prezidente CI ne’e apresia ba eskritór Aniceito Guro Berteni Neves, tanba konsege hakerek livru ne’e hodi  lansa ona ba públiku.

“Ha’u dehan defisil se de’it iha Timor atu hakerek istória avo Xave ninian hodi alkansa nivel ideál ida hodi hetan objetividade,” nia hateten.

Tuir nia livru ne’e atinje duni ninia objetividade istória ida, tanba ne’e pesiza fó kongratulasaun ba eskritór ne’e.

Notísia Relevante :PR Lú Olo: “Francisco Xavier Amaral nu’udár figura istórika ba Timor-Leste”

Jornalista : Tomé Amado

Editór:Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here