Seremónia entrega embalajen hosi SEA ba MTKI iha edifísiu Mandarin, segunda (26/10). Imajen Tatoli/Florêncio Miranda Ximenes

DILI, 30 novembru 2020 (TATOLI)–Sekretáriu Estadu Ambiante, Demétrio do Amaral de Carvalho, informa daudaun ne’e Sekretaria Estadu Ambiente (SEA) koopera hamutuk ho grupu prodús bote ba programa Cesta Bázika.

“Sekretáriu Estadu Ambiente ninia kontribuisaun maka organiza populasaun iha territóriu tomak hamutuk grupu 40 hodi prodús bote no konsege halibur bote hamutuk 40.000, ne’ebé konsege distribui ba ministériu sira,”  Sekretáriu Estadu Demétrio dehan  iha Tower, Fatuhada, segunda ne’e.

Bote hirak ne’e konsege distribui maibé tanba kestaun tempu, ministériu balun la konsege hetan hodi balun uza embalajen hosi saku verde hodi tau produtu Cesta Bázika.

Maski nune’e, governante ne’e dehan, Bote ne’ebé daudaun  SEA prodús ba sei la to’o tanba ne’e presiza aumenta tan.

“Bote la to’o, maibé ha’u-nia esforsu no ambisaun hakarak prodús tan 1.150, se bele liu tan di’ak, maibé infelizmente atu homan bote iha fulan-rua, grupu barak maka ami organiza no balun laiha koñesimentu halo bote, ami tenke hodi ema hosi fatin seluk hanorin sira hodi hamoris fali koñesimentu. Maibé ha’u kontente komunidade sira bele hetan osan oituan hosi programa ne’e maibé kuandu la to’o bele uza pasta verde,” nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here