Tempe. Imajen/Espesiál

DILI, 30 novembru 2020 (TATOLI)--Sekretáriu Ezekutivu Ajensia Nasionál Lisensiamentu Ambientál (ANLA), António Lelo Tasi, informa parte Sekretaria Estadu Ambiente (SEA) halo ona  suspensaun ba atividade produsaun tempe no tahu iha Tasi-tolu tanba ladún halo jestaun di’ak ba produsaun.

“Produsaun tempe no tahu ne’ebé la’o ladún amigável, liu-liu kona-ba nia iis ladún di’ak,” Sekretariu Ezekutivu ANLA dehan ba Agência TATOLI, iha Tower Fatuhada, segunda ne’e.

ANLA sempre simu reklamasaun hosi komunidade via telefone kona-ba produsaun tempe no tahu, maski balun trata duni lisensa ambientál, maibé ninia jestaun maka seidauk di’ak.

“Ezemplu hanesan tahu been ne’ebé prodús, antes soe ba valeta, tenke halo tais ka penyaringan , maibé faze ne’e sira la halo direta no suli tun ba kanu, tanba ne’e maka iis ladún di’ak,” nia akresenta.

Antes ne’e, ekipa hosi SEA no ANLA rasik halo notifikasaun atu hapara atividade no hadi’a jestaun maka bele kontinua fali atividade.

“Ami mós hato’o ba Servisu Rejistu Verifikasaun Emprezariál (SERVE)  atu suspende sira-nia lisensa komersiál,” nia hatutan.

Maski nune’e, Sekretáriu Ezekutivu ne’e rekoñese produsaun tempe no tahu ho kapitál kiik, tanba ne’e entidade kompetente sira hakarak ajuda produtór sira hadi’a jestaun hodi kontinua hala’o atividade.

“Kuandu ami suspende sira la prodús no sira lakon, tanba  ne’e husu atu hadi’a jestaun, ida ne’ebé ami suspende la halo atividade no presiza hadi’a kondisaun tanba ne’e ami tun filafali sira-nia fatin atubele haree atividade,” nia dehan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here