Sekretáriu Estadu Ambiante, Demétrio do Amaral de Carvalho. Imajen TATOLI/Egas Cristovão

DILI, 30 novembru 2020 (TATOLI)–Sekretaria Estadu Ambiante, Demétrio do Amaral de Carvalho, informa ezekusaun Orsamentu Jerál Estadu (OJE) ba tinan 2020 daudaun ne’e Sekretaria Estadu Ambiante (SEA) ezekuta ona 80%.

“Orsamentu Sekretaria Estadu ne’e ninian atinje ona 80% no ita espera fulan ikus tinan ne’e bele atinje ona 90%,” Sekretariu Estadu Demétrio relata iha Tower, Fatuhada, segunda ne’e.

Governante ne’e otimista ezekusaun bele la’o ho di’ak tanba la’ós nível ministériu ne’ebé kaer orsamentu boot.

“Ami-nia  osan iha 2020 ituan de’it, ami espera prosesu ezekusaun bele la’o di’ak no atinje hanesan ami-nia ambisaun,” nia akresenta.

Iha OJE 2020, prevee orsamentu ba SEA hamutuk $958.000, kompostu hosi saláriu no vensimentu $502.000, bens no servisu hamutuk $456.000, no laiha alokasaun ba transferénsia públika, kapitál menór no kapitál dezenvolvimentu.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here