Jogadór SLB Laulara selebra vitória bainhira hatama golu ba guarda rede FC ZEBRA iha Tasa 12 Novembru 2020 iha Estádiu Munisipál Dili, Kuarta (25/11). Imajen Tatoli/António Gonçalves

DILI, 25 novembru 2020 (TATOLI) – Ekipa estimadu Makikit Laulara alias AD. SLB susesu “hurulele” Zebra FC ho score 5-0 iha jogu tasa 12 Novembru ne’ebé hala’o iha Estádiu Munisipál Dili, ohin loraik.

Notísia Relevante : Tasa 12 Novembru, SCT festa golu ba Academica 6-0

Tasa 12 Novembru 2020, FC ZEBRA(kamizola metan -mutin) vs SLB Laulara iha Estadiu Munisipal Dili, kuarta (25/11). Imajen Tatoli/António Gonçalves

Hosi vitória ne’ebé SLB hetan lori ekipa ne’e iha direitu absolutamente ultrapasa ba oitavu finál no Zebra obrigadu tenke despede ona jogu tasa 12 Novembru, epoka ne’e,  hodi hein fali jogu hanesan iha tinan oin.

Hakat ona ba oitavu finál SLB   hasoru ekipa Sporting Clubo de Timor (SCT) hodi hadau billete ba kuartu finál.

Golu vitória SLB prodús hosi jogadór Zenivio Mota (17) iha minutu ’35, João Pedro (7) ’39, Cornelis Portela (11) ’71, Mouzinho de Lima (10) ’83 no Tonito Belo (3) ’88.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here