Joga Futsal Feminina MAPKOMS CUP, Tatoli vs NAUNIL iha iha kampu Bebora, Kuarta 25/11/2020.Imajen/TATOLI

DILI, 25 novembru 2020 (TATOLI)—Ekipa Tatoli feminina hela tan pasu ida de’it ona atu konkista vitória hanesan “eroina”  iha lala’ok torneiu Futeból salaun  (Futsal) Ministériu Asuntu Parlamentár no Komunikasaun Sosiál (MAPKOMS).

Notísia Relevante : Torneiu futsal MAPKOMS, TATOLI feminina “hakoi” esperansa Lafaek News 3-0

Ekipa Tatoli feminina (hamriik) foto ho ekipa Naunil Media (tuur) iha kampu Futal, Bebora, Dili. Imajen Tatoli/António Gonçalves

Liuhosi jogu ho ekipa feminina Naunil Media iha kampu Futsal, Bebora, Dili, ohin, ekipa feminina Tatoli hatudu ninia “ambisaun” boot no enérjiku  tenke manan jogu ida-ne’e hodi ultrapasa ba final.

Ikus mai “ambisaun” boot ne’e sai realidade hodi manan duni Naunil Media liuhosi suta penalidade tanba to’o jogu termina iha minutu ikus liu Naunil Media ho Tatoli fahe pontu hanesan 2-2.

Hosi rezultadu penalidade,  dewi fortuna pertense liubá  ekipa Tatoli liuhosi guarda rede Imelda F ne’ebé salva bola-rua ne’ebé suta hosi jogadora Naunil, Juliana Muky (5) ho Imaculada Ribeiro (9).

Hosi suta penalidade Naunil Media nian, úniku jogadora Bealantina Pinto (11) mesak mak konsege suta golu. Enkuantu jogadora Tatoli nian  na’in-tolu, suta golu hotu kedas, hodi nune’e, hatuur score 5-3.

Jogadora hirak ne’ebé hatama golu iha penalidade hodi lori Tatoli ba final maka Ofelia Morreira (8), Flicidade Ximenes (9) ho Maria Auxiliadora (7).

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here