Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Egas Cristovão

DILI, 25 novembru 2020 (TATOLI)-Ministru Justisa (MJ), Manuel Cárceres da Costa, aprezenta opsaun polítika-lejizlativa kona-ba projetu kódigu rejistu sivíl ba Konsellu Ministru (KM). 

“Opsaun polítika-lejizlativa sira ne’ebé aprezenta ona hodi permite rejistu kazamentu ba forma hotu, kazamentu ne’ebé lei rekoñese mak iha pre-supostu legál hodi prodús efeitu sivíl sira, no mós hodi hakbesik justisa husi sidadaun, fó enkuadramentu legál ba utilizasaun informátika no kompleta lakuna servisu rejistu sivíl,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Diploma ne’e foin iha faze aprezentasaun no seidauk iha desizaun, tanba ne’e iha tempu oin mai mak submete filafali proposta ne’e hodi ezekutivu sira halo deliberasaun.

“Iha polítika-lejizlativa ba projetu kódigu rejistu sivíl ne’e, durante aprezentasaun hateten mós katak sidadaun sira ne’ebé la’ós relijiaun katólika nia kazamentu oinsá, rekoñese ka lae, no mós ema sira fó de’it barlake legaliza oinsá entaun iha projetu ne’e sei ko’alia hotu,” Portavóz Governu esplika.

Jornalista: Antónia Gusmão

Editora: Julia Chatarina

1 KOMENTÁRIU

  1. espera katak lei CC ne’e bele fo vantgem no bele rekuinhese sidadaun sira hotu nia direito nudar sidadaun, label hare ba ras, relijiaun nsst

HAKEREK NO HATÁN

Please enter your comment!
Please enter your name here