Ministru Prezidénsia Konsellu Ministru, Fidelis Manuel Leite Magalhães no Portavóz Governu. Imajen TATOLI/Egas Cristovão

DILI, 25 novembru 2020 (TATOLI)–Ezekutivu sira liuhosi sorumutuk Konsellu Ministru (KM), aprova ona projetu dekretu-lei ba alterasaun dahuluk estatutu Orgániku Kombatente Libertasaun Nasionál.

“Alterasaun dahuluk ba estatutu ne’e aprovadu iha Konsellu Ministru,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Portavóz Governu ne’e subliña, ho alterasaun dahuluk ne’e hodi prevee posibilidade hodi halo inskrisaun verba no globál finansiamentu husi Konsellu Kombatente Libertasaun Nasionál iha orsamentu, ne’ebé ninia ezekusaun sai responsabilidade ba membru konsellu.

Estatutu orgániku Konsellu Kombatente Libertasaun Nasionál promulga iha 21 marsu 2018, ho intensaun atu define estrutura, objetivu, no kompeténsia.

Dekretu-lei ne’e ho intensaun atu halibur veteranu sira hodi hamutuk kontribui ba dezenvolvimentu nasionál.

Jornalista: Antónia Gusmão

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here