Ministru Prezidénsia Konsellu Ministru, Fidelis Manuel Leite Magalhães. Imajen TATOLI/António Gonçalves

DILI, 25 novembru 2020 (TATOLI)--Ministériu Negósiu Estranjeiru no Kooperasaun (MNEK) sei selebra akordu ida ho Instituto Camões, ba realibilitasaun pouzada Maubara, iha munisípiu Liquiçá.

“Konsellu Ministru (KM) analiza no endosa  Ministra Negósiu Estranjeiru no Kooperasaun, Adaljiza Albertina Xavier Reis Magno, ba asinatura memorandu entendimentu ida entre ministériu no Camões, Institutu Kooperasaun no Lingua ousi Portugál, kona-ba traballu reabilitasaun pouzada biti boot iha Maubara no entrega ofisiál edifísiu ba Governu,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun KM iha Palásiu Governu, kuarta ne’e.

Portavóz Governu ne’e esplika, selebrasaun akordu ne’e bazeia ba rezultadu kooperasaun desde tempu hirak liubá no MNEK reprezenta ona ba Governu Timor-Leste no Governu Portugés.

“Hafoin asina akordu ne’e, projetu sei transfere fali ba Ministériu Turizmu, Komérsiu no Indústria (MTKI) hodi implementa,” Fidelis subliña.

Jornalista: Antónia Gusmão

Editora: Julia Chatarina 

HAKEREK NO HATÁN

Please enter your comment!
Please enter your name here