Ruben Faria hosi Mauputar FC, provizóriu sai hanesan mellor markadór PLFTL. Imajen/PLFTL

DILI, 24 novembru 2020 (TATOLI) –Pra Liga Futeból salaun (Futsal) Timor – Leste (PLFTL), daudauk ne’e, termina ona segunda jornada. Maibé iha primeira no segunda jornada, jogadór hosi ekipa Mauputar Ruben Faria mak provizóriu sai hanesan mellor markadór.

Jogadór ne’e iha direitu absolutamente mellor markadór provizóriu tanba durante joga iha primeira jornada no segunda jornada prodús ona golu hamutuk lima (5).

Iha mós jogadór ne’ebé hatama golu haat (4) hodi okupa pozisaun segundu tuir kedan ba Ruben mak Samuel dos Reis hosi Kuda Ulun FC, Joel hosi Ramelau FC, Romulo Escurial hosi FC Academica, Frangenio Memo hosi Coelho FC no jogadór ne’ebé hatama golu tolu (3) mak hanesan Simon hosi São  Francisco Xavier, F. Fernandes hosi M-VDL Lahane no Malick hosi  B’Tal FC.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here