Sekretáriu Estadu Juventude no Desportu, Abrão Saldanha. Imajen Tatoli/ Egas Cristovao

DILI, 24 novembru 2020 (TATOLI) – Sekretáriu Estadu Juventude no Desportu (SEJD) Abrão Saldanha informa, ezekusaun Orsamentu Jerál Estadu (OJE) 2020 ne’ebé aloka ba SEJD ho montante $2,857,478 ezekuta to’o ona porsentu 78 (%).

Notísia Relevante : 2020, SEJD simu pakote OJE 2020 millaun $ 7.7

 “Ezekusaun OJE 2020 nian ba SEJD nian to’o horiseik atinje ona porsentu 78 hosi osan ne’ebé iha. Seidauk ezekuta mak iha kapitál dezenvolvimentu atu halo pagamentu ba Jináziu Dili no Voleiból Praia, maibé semana ida-ne’e ekipa sei halo verifikasaun ba pedidu ne’ebé kompañia husu, nune’e ita selu osan kuaze besik hotu ona,”  Abrão Saldanha hateten hodi responde Agência  Tatoli, ohin,  iha edifísiu SEJD, Dili.

Nia dehan, atividade maioria SEJD nian realiza hotu ona, hela de’it despeza rekorrente-sira mak sei presiza halo.

Total OJE 2020 ba SEJD fahe ba kategoria saláriu vensimentu $593,776, bens servisu $761,962, kapitál menór $25,600, kapitál dezenvolvimentu $400,000 no transferénsia públika $1,076,140.

Jornalista   : Hortencio Sanchez

Editór         : Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here