Ekipa jogadór Mauputar FC. Imajen Mauputar FC/dok

DILI, 24 novembru 2020 (TATOLI) – Ekipa futeból salaun (Futsal), Mauputar lidera jogu jornada daruak Pra Liga Futsal Timor–Leste iha tabela klasifikasaun provizóriu ho pontu neen (6).

Notísia Relevante : Pra Liga Futsal TL, Mushila manan Caesar Dante ho golu úniku

Tabela klasifikasaun provizória Jornada 2 Pra Liga Futsal Timor-Leste 2020-2021. Imajen PLFTL/Dok

Pontu neen ne’e ekipa Mauputar hetan hosi rezultadu jogu daruak, manan daruak, empata 0, lakon 0, golu 10.

Ekipa ne’ebé okupa liña daruak no datoluk mak hanesan ekipa Ramelau FC no Mushila FC ho pontu neen (6),  ne’ebé diferente iha bola, tanba Ramelau FC joga daruak, manan daruak, empata 0, lakon 0, golu neen. Enkuantu,  Mushila FC joga daruak, manan daruak, empata 0, lakon 0, golu lima.

Iha liña dahaat to’o daualuk okupa hosi ekipa Boasorte FC, Coelho FC, Jerman FC, Becusse United FC no São Francisco, tanba rekolla de’it pontu haat (4) no diferente de’it iha bola.

B’TAL FC, Boavista FC, Caesar Dante FC, Crazy Horse no Kuda Ulun FC, okupa liña dasia to’o liña da-13 tanba rekolla de’it pontu tolu (3) no diferente iha bola.

Iha liña da-14 no liña da-15, okupa hosi Bermeta FC no Santa Cruz FC tanba rekolla de’it pontu rua (2) no diferente iha bola.

Ekipa hitu mak hanesan M-VDL Lahane, FIEL FC, Gamer FC, Estrela Baguia, Maudoko FC, AD Samoro no Academica FC okupa liña da-16 to’o da-22 tanba rekolla de’it pontu ida (1) no diferente iha bola.

Ikus liu ekipa rua hanesan Kablaki FC no Baucau All Star obrigadu hela de’it ho pontu zero (0) tanba iha jornada daruak nunka manan no empata ho adversáriu.

Rezultadu jogu durante Jornada daruak (2)  no klasifikasaun provizóriu Pra Liga Futsal Timor-Leste 2020-2021, iha klube 24 ne’ebé hakat tan pasu ida ba Jornada Terseiru.

Jornalista   : Hortencio Sanchez

 Editór        : Francisco Simões

HAKEREK NO HATÁN

Please enter your comment!
Please enter your name here