Vice-Ministru Administrasaun Estatál, Lino de Jesus Torrezão. Imajen Tatoli/Antónia Maia Gusmão.

DILI, 24 novembru 2020 (TATOLI)—Ministériu Administrasaun Estatál (MAE), foin lalais ne’e, konklui no entrega ona naran kandidatu Prezidente Autoridade (PA) ne’ebé pasa ezame ba Ministru Prezidénsia Konsellu Ministru.

Notísia Relevante: Rezultadu ezame Prezidente Autoridade sei anunsia iha novembru nia rohan

“Ita entrega rezultadu ezame Prezidente Autoridade ba Munisípiu Baucau, Lautém no Viqueque ba Ministru Prezidénsia Konsellu Ministru,” Vise-Ministru Administrasaun Estatál (MAE), Lino de Jesus Torrezão, informa ba Agência TATOLI iha nia knaar fatin Colmera, Dili, tersa ne’e.

Lino de Jesus Torrezão hateten, parte leste lori ona ba Konsellu Ministru mak signifika halo diskusaun no sei nomeia sé mak merese sai Prezidente Autoridade ne’e hein de’it  desizaun finál. 

Kona-ba kandidadtu munisípiu tolu seluk hosi parte loromonu ne’ebé tuir ona ezame, governante ne’e hateten, prosesu ba Munisípiu Aileu, Ainaro no Covalima, Grupu Interministerál Tékniku sei halo prosewsa hela. 

Notísia Relevante: 15 outubru, MAE sei realiza ezame ba Administradór Munisípiu Aileu-Ainaro-Covalima

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here